Ҡәҙерҙәрең ҙур булһын

Уңға ҡараһаң да талант, һулға ҡараһаң да талант, баш әйләнде, бүләкте, күҙҙе йомоп, ҡайһыһына тапшырғанда ла була - яңғылышмаҫһың.
Алчинова Йәмилә "Урал батыр" эпосын һөйләне. Хәтере һәйбәт ҡыҙҙың, дикция, интонация, тембр - барыһы ла үҙ урынында. Ә үҙе эпостарҙан беҙҙең янға килеп төшкән һылыу кеүек.
Бүләкте тап ошо матур ҡыҙға бирергә ҡарар ҡылынды. Йылайыр районы Исҡужа ауылыныҡы ул..Уҡырға Күмертауға быйыл ғына килгән, тыуған төйәк яман һағындыра бит ул, үҙебеҙҙән алып әйтәбеҙ, беҙҙең дә бәғзеләребеҙҙең бала сағы интернатта үтте. Грамотаға ҡушып, 500 һум аҡса бирҙек - аҡса һәр саҡ кәрәк, бер ҡасан да артыҡ булмай.
Ҡотлайбыҙ, Йәмилә, ҡайҙарҙа йөрөһәң дә, бөтәһенә лә гел кәрәк булып, ҡәҙерҙәрең ҙур булып йәшәргә яҙһын.