Камила донъяһы

...- Камила, һин саф башҡортса, матур итеп һөйләйһең, рух ныҡлығы һиндә ярылып ята. Һиндә телгә булған һөйөү ҡайҙан килә? 

- Минең өләсәйем Фәриҙә Карамат ҡыҙы уҡытыусы булды. Телгә булған һөйөүемдә уның өлөшө ҙур. Ул беҙгә бала саҡтан китаптар уҡып, әкиәттәр һөйләп, таҡмаҡтар йырлап үҫтерҙе. Мәктәптә мине башҡорт теленән Гөлгөнә Юнир ҡыҙы Абдуллина уҡытты. Уның менән төрлө конкурстарҙа ҡатнашып йөрөнөк, шиғырҙар ҙа яҙҙыҡ. Бала саҡтан, мәктәп йылдарынан килгән тәрбиә был.
- Мәҙәниәт өлкәһен һайлаһаң да юғалып ҡалмаҫ инең, ә һин медицина юлынан киткәнһең.
- Мәктәп йылдарында уҡ мин медицина юлынан китергә тип ныҡлы уйлап йөрөнөм. Мин балалар табибы булырға хыялланам һәм был юлды һайлауыма бер ҙә үкенмәйем.
- Район хакимиәтенең йүнәлтмәһе буйынса уҡыйһыңмы?
- Эйе.
- Тимәк, ҡулыңа диплом алғас, тыуған яҡҡа ҡайтаһың инде?...

Камила Бикмаева менән әңгәмә тулы килеш гәзиттә үткән аҙнала баҫылды.