ӨС КАМАЗЛЫ БУЛДЫЛАР

«Кѳйѳргәҙе» юл тѳҙѳү-йүнәтеү идаралығында техника паркын яңыртыу, нығытыу хаҡында даими хәстәрлек күрелә. Быйылғы кѳҙҙѳң аҙағында предприятие махсус ҡоролмалы ѳс КАМАЗ маркалы автомашина һатып алды. 40 берәмеккә яҡын техник саралар, әҙерлекле кадрҙар менән тәьмин ителгән ойошма район биләмәһендәге 370 километрға һуҙылған юлдарҙы ҡышҡы айҙарҙа тейешле хәлдә тотор, тип әйтергә нигеҙ бар. Күптән түгел мул ғына ҡар яуыу ваҡытында ойошма коллективының берҙәм эшләүе ошоға дәлил.