БЕҘҘЕҢ ЕГЕТТӘРГӘ ТИҢЛӘШЕҮСЕ ЮҠ

Ике аҙна элек Ҡунаҡбай егете Фәнис Вәлитовтың Пермдә көрәш буйынса уҙғарылған ярыштарҙа үҙ ауырлыҡ категорияһында тәүге урын яулауын яҙғайныҡ. Игеҙәктәрҙең икенсеһе Фәдис уҙған шәмбе Финляндияның Вантаа ҡалаһында грек-рим көрәше буйынса уҙғарылған халыҡ-ара турнирҙа ҡатнашты. Утыҙға яҡын ил спортсылары араһында ул үҙ ауырлыҡ категорияһында I урын яуланы.