ҺАҒЫНЫУ

Әсәйем рухына

Көләс ине йөҙөң, нурлы ине,

Һис бер илағаның күрмәнем.

Эстәреңдә ялҡын дөрләгәндер,

Балалығым менән белмәнем.

Ике бала, оло атай-әсәй…

Донъя йөгө баҫты иңеңде.

Хоҙай ниңә насип итмәне икән

Йөрәгеңде яулар тиңеңде?

Риза булып тарттың донъя йөгөн,

Зарланманың, бер ҙә көймәнең.

Ялтлап торор ине өйҙөң эсе,

Хуш еҫле ине йыуған керҙәрең.

Йырлағаның гел оҙон көй ине.

Ҡыҫҡа булды ниңә ғүмерең?

Күрмәнеңме, һиҙмәнеңме әллә

Яҙҙарҙан һуң йәйҙәр килерен?

Яҙҙар һайын муйыл сәскә ата,

Алмағасың аҡ шәл ябына.

Бер мин генә түгел, әсәкәйем,

Ула ҙа бит һине һағына.

Читайте нас:

Свидетельство о регистрации СМИ: ПИ ФС 02 - 01456 от 14.09.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан Государственное унитарное предприятие Республики Башкортостан Издательский дом «Республика Башкортостан»

Баш мөхәррир М.М.Ильясов

Эл. почта

[email protected]

Адрес

Республика Башкортостан, г. Кумертау, ул. Комсомольская, д. 35

Редакция

8 (34761) 4-44-45