ИҢ ҒӘЗИЗ КЕШЕЛӘРГӘ

22 ноябрҙә социаль ярҙам күрһәтеү бүлеге ҡаланың моделле китапханаһы менән берлектә Әсә көнөнә арналған әҙәби-поэтик сара уҙғарҙы. Унда 13 ғаилә ҡатнашты. Балалар әсәйҙәренең һүрәттәренән күргәҙмә һәм концерт номерҙары әҙерләгән. Әсәйҙәр үҙ сиратында үҙҙәренең бала саҡтарын иҫкә төшөрҙө, ҡыҙыҡлы һорауҙарға яуап бирҙе. Сара һуңында һәр бер бала иң ғәзиз кешеләренә «Иң яҡшы әсәй» тигән миҙалдарын тапшырҙы.