ДЕПУТАТ ҠАБУЛ ИТТЕ

Уҙған шәмбелә Айсыуаҡ ауылының мәҙәниәт йортонда район советы депутаты Рәүеф Намаҙғолов үҙ һайлаусыларын ҡабул итте. Айсыуаҡтар уға мәҙәниәт йорто янындағы майҙанда спорт ҡоролмалары комплексы тѳҙѳүгә, шунда урынлашҡан электр подстанцияһын кәртәләүгә, ауыл биләмәһендәге тимер юлы аша сыҡҡан урындағы светофорҙың эшенә үҙгәреш индереүгә, Совхоз урамындағы 5-се һанлы йорттан сыҡҡан канализация ҡалдығын һурҙырыуҙа тәртип булдырыуға ярҙам һорап мѳрәжәғәт итте. Р. Намаҙғолов һәм осрашыуҙа ҡатнашҡан Ермолаево ауыл биләмәһе хакимиәте башлығы урынбаҫары Марина Букреева күтәрелгән проблемаларҙы хәл итеүгә ҡулдан килгәнсә булышлыҡ күрһәтергә вәғәҙә бирҙе, ҡайһы бер мәсьәләләрҙе сисеү бу-йынса үҙ тәҡдимдәрен әйтте.