Беҙҙең гәзиттә министр Коваленко фамилияһы корреспондент ғәйебе менән Ковалев булып киткән тип төҙәтмә биреп

Беҙҙең гәзиттә министр Коваленко фамилияһы корреспондент ғәйебе менән Ковалев булып киткән тип төҙәтмә биреп, үҙебеҙ былай хата ебәргәнгә ҡайғырып та өлгөрмәнек, төҙәтмәле гәзит сыҡҡан көндө БР башлығы Башҡортостан Республикаһы Ауыл хужалығы министры Н. Коваленконы эштән бушатыу хаҡында указға ҡул ҡуйҙы. Урынына ошоғаса Дәүләкән районы башлығы булып эшләүсе Илшат Фазрахмановты тәғәйенләне. Илшат Илдус улы тыумышы менән Әлшәй районыныҡы. Төрлө йылдарҙа ауыл хужалығы йүнәлешле предприятиеларҙа етәксе урындарҙа, БР Президенты, Хөкүмәте аппартында ла эшләгән. Коваленконы алып ташлауҙары һәм ул ҡайҙа китәсәге хаҡында әлегә хәбәр юҡ.