ЭШТӘР ЕҢЕЛЛӘШӘСӘК

Аҙна башында “Урындағы инициативаларҙы хуплау” программаһы буйынса Таймаҫҡа 800 мең һумға тракторға аҫылмалы ҡорамалдар алып ҡайттылар. Комплектҡа КУН-10 тейәгесе, роторлы сапҡыс, роторлы ҡар таҙартҡыс һәм арба керә. Таймаҫ ауыл советы хакимиәте башлығы Ильяс Юлдыбаев, әйтеүенсә, хәҙер эштәр күпкә еңелләшәсәк, юҡһа ауылда арба табыуы ла ҡыйын ине, ә бында барыһы ла буласаҡ. Аҡсаның 75 меңе халыҡтан, 75 меңе спонсорҙарҙан, ҡалғаны хөкүмәттән.