«МИНЕҢ ЙЫРЫМ»

Был конкурсты район Хакимиәте ярҙамы менән Пиарперсона агентствоһы һәм «Арис» телерадиокомпанияһы үткәрә. «Юшатыр» гәзите мәғлүмәт партнер булараҡ сығыш яһай. Конкурстың беренсе этабы 2017 йылдың 1 ноябренән 1 декабренә тиклем була – был ваҡытта кем ҡатнашырға теләй, шуларҙан заявкалар ҡабул ителә. Икенсе туры 19 декабрҙә буласаҡ – бында артистарҙы һайлап алыу башҡарыласаҡ. Өсөнсөһө – Гала концерт менән бергә – 22 декабрҙә булыр, тип көтөлә. Бәйге ике номинацияға бүленә, 16 йәштән 39-ға тиклем һәм 40-тан 60 йәшкә ҡәҙәр. Заявкаларҙы «Арис» телевидениеһына йәки беҙҙең редакцияға бирә алаһығыҙ. Жюри составы: Юлай Ишмөхәмәтов – рәйес, ағзалары: Әлфиә Вахитова, Урал Нуриев, Венера Усманова һәм Айгөл Ильясова. Кем тормошон йырһыҙ күҙ алдына баҫтыра алмай һәм талантын башҡаларға ла күрһәтергә теләй, заявкаларығыҙҙы ебәрегеҙ.

Һорауҙарығыҙ булһа, шылтыратығыҙ: 8(34761) 2-20-80; 8-987-2-444-731.