АҠСА ТАЛАУСЫЛАР - ТОҘАҠТА

Полиция хеҙмәткәрҙәре Күмертау ҡалаһының 10 кешенән торған енәйәтселәр төркөмөн тотҡан. БР Эске эштәр министрлығы мәғлүмәттәренә ҡарағанда, был төркөм республика буйынса урындағы эшҡыуарҙарҙы һалҡын ҡорал менән ҡурҡытып аҡса талап итеү менән мауыҡҡандар. Уларҙың һәр береһе алдан хөкөмгә тарттырылған булған. Бер эшҡыуар ҡурҡышынан талаусыларға 150 меңен сығарып бирһә, икенсеһе аҡса биреүҙән баш тартҡан өсөн ныҡ туҡмалған.