КӨЙӨРГӘҘЕЛӘР ФАП-ЛЫ БУЛАСАҠ!

Әле яңы ғына «Ҡайҙа ФАП?» тип яҙғайныҡ гәзитебеҙҙә, бына ошондай булырға тейеш тип, уның фотоһын да ҡуйғайныҡ. Ҡыуаныслы хәбәр алдыҡ. Теге беҙ «эҙләгән» модулле ФАП-ты 30 декабргә тиклем Көйөргәҙе ауылына алып килеп урынлаштырмаҡсылар. Әлеге көндә уның нигеҙе әҙерләнә. 7,5Х8,5 размерлы, 3 млн 500 мең һум торған был ФАП тиҙҙән бар ауыл халҡын ҡыуандырыр, тип ышанабыҙ. Тик бына, көндәрҙең һыуыҡ булыуы сәбәпле, һыу үткәреү мәсьәләһе майҙа ғына хәл ителәсәк.