ӨМӨТТӨ АҠЛАНЫЛАР

Үткән аҙнала Ишембай ҡалаһында атҡаҙанған тренер В.В. Новожилов иҫтәлегенә арналған Бөтә Рәсәй саңғы марафонында Көйөргәҙе командаһы ла ҡатнашты. 11саңғысынан торған команданы райондың балалар һәм үҫмерҙәр спорт мәктәбе директоры Д. Балянов менән Аҡһары мәктәбенең уҡытыусы-тренеры М. Сәлиҡбаев етәкләне. Үҙ йәш категорияһында Карина Матҡорбанова менән Ильвина Хәмитова призлы икенсе урынды яуланы. Аҡһары ауылы егете, Ырымбур дәүләт университеты студенты, Алмас Сәлиҡбаев шулай уҡ һәйбәт һөҙөмтә күрһәтте.