“БИЗНЕСМЕН” ӘБЕЙҘЕ ЭЛӘКТЕРГӘНДӘР

Самогон, ялған зарарлы араҡы һатыусыларҙы тота алмайбыҙ тиҙәр, бик теләһәң, була икән. Көйөргәҙе районының бер ауылында 68 йәшлек “бизнесмен” әбейҙе эләктергәндәр. Ғинуар айында ғына һатҡанында тотоп 40 мең һумға штрафлаған булғандар, тик пенсионеркабыҙ штрафты түләргә уйламай ҙа спиртлы шыйыҡсаһын һатыуын дауам итә. Бер айҙан быны тағы тоталар. Эшҡыуар инәй һатҡан эсемлектә әллә күпме зараралы матдәләр табыла. Һөҙөмтәлә пенсионерға теге штрафты түләргә тура килә һәм самогон аппаратын тартып алалар. Йәлләп ҡуйҙыҡ инәйҙе, хәҙер аппаратһыҙ нимә эшләр? Бер пенсияға ҡарап ҡына йәшәп булмай ҙа...