Әҙерлек башланды

Кисә район хакимиәтендә “Һабантуй – 2018”ҙе үткәреү буйынса ултырыш булды. Шулай итеп, 10 июндә үтәсәк байрамға әҙерлек эштәре башланды ла инде.

Район хакимиәте башлығының беренсе урынбаҫары Нәүғәт Хисмәтуллин әйтеүенсә, һабантуй үтәсәк ерҙең ҡайһы бер тирәһенән грейдер менән үтергә кәрәк булһа, 1-2 урынға ҡырсынташ түшәргә һәм косилка менән дә эшләйһе эштәр бар. Шулай уҡ тирмәләр ҡороу, сәхнә урынлаштырыу, эскәмйәләр ултыртыу, ике тиҙ ярҙам машинаһы менән тәьмин итеү кеүек һәм башҡа күп мәсьәләләр хаҡында ла барҙы һүҙ ултырышта.

Һабантуй йырһыҙ булмай. Үҙебеҙҙекеләр менән бергә ситтән дә әртистәр саҡырыласаҡ. Былтыр Ғафаровтар, Аҫылбаева булһа, быйыл Юнир Һағынбаевтың килеүе көтөләсәк.