«ХӘҮЕФҺЕҘЛЕК КӨНДӘРЕ»

Дәүләт техник күҙәтселек инспекцияһы тарафынан 2018 йылдың 14 июненән 29 июненә тиклем Башҡортостан Республикаһында «Хәүефһеҙлек көндәре» профилактик декадаһы үткәрелә.

Сараның төп маҡсаты булып үҙйөрөшлө, юл төҙөлөшө машиналарын, уларға тағылмаларҙы дөрөҫ ҡулланыу-ҡулланмау ҡағиҙәләрен асыҡлау, иҫкәртеү тора. Айырыуса техниканының төҙөк булыуы-булмауына, техник күҙәтеү үтеүе-үтмәүенә, страховка ОСАГО полисының барлығын, техниканың теркәлешен тикшереүгә ныҡлы әһәмиәт бүленәсәк. Уңайһыҙ хәлгә ҡалмайым, танытмаларымдан яҙмайым, штрафтар түләмәйем, тиһәгеҙ, барыһы ла тәртиптә булһын, үҙегеҙ ҙә техникала тәртипле йөрөгөҙ, барлыҡ ҡағиҙәләрҙе еренә еткереп үтәгеҙ.