ЯҠШЫМБӘТ ХОРЕОГРАФЫ

Ошо көндәрҙә Яҡшымбәт мәҙәниәт йорто хореографы Гөлшат Хәйбуллинаға «БР-ҙың атҡаҙанған мәҙәниәт хеҙмәткәре» исеме бирелде.

Гөлшат Хәйбуллина 29 йыл инде ауыл мәҙәниәт йортонда һәм шулай уҡ музыкаль мәктәптә бейеүгә өйрәтә. Тормош иптәше Илдар Сәфәрғәли улы уның был эшендә алмаштырғыһыҙ ярҙамсыһы булып тора. Яҡшымбәт артистарына сәхнә костюмдары тегә ул.

Яҡшымбәт хореографының тәрбиәселәре бихисап. Гөлшат Хәйбуллина уларҙың һәр береһенә үҙенең күңел йылыһын өләшеп, бейеү серҙәрен асҡан. Уҡыусылары данлыҡлы бейеүселәр булып китмәһәләр ҙә, тормоштарында бейеүҙән бер иҙә генә айырылғандары юҡ. Улар, ауылға ҡайтҡан һайын, уҡытыусыларына рәхмәт һүҙҙәрен яуҙырып ҡына тора. Әйткәндәй, Гөлшат Хәйбуллина үҙе бейеү серҙәренә Башҡорт дәүләт опера һәм балет театрының билдәле солисы, БР-ҙың атаҡаҙанған артисы Рөстәм Исхаҡовтан өйрәнгән.