Көтөлмәгән бүләк

Владимир ЗАБОЛОТНЫЙ:
- Был көндө иртүк нимәлер һиҙгәйнем, бөгөн берәй яңылыҡ булыр, тип көттөм. Тормош иптәшем шылтыратып, бөгөн сертификат тапшыралар тигәс, хатта аптырап ҡалдым. Сөнки йәшәү шартын яҡшыртыу буйынса ярҙам һорап ғаризаны 9 йыл элек үк яҙғайныҡ. Хәҙер үҙебеҙҙең йортобоҙҙа ҡыҙыбыҙ Анастасия, улыбыҙ Денис менән шатлыҡтар кисереп кенә йәшәргә яҙһын, тип теләйбеҙ. Был бүләк өсөн районыбыҙ хакимиәтенә, БР Хөкүмәтенә рәхмәтлебеҙ. БР Башлығы Радий Хәбировтың һәр саҡ районда эшләгән кешеләргә ярҙам итер кәрәк, тигән һүҙҙәре оҡшай. Беҙ ҙә тормош иптәшем Татьяна менән нисәмә йылдар районыбыҙҙа хеҙмәт итәбеҙ, артабан да районыбыҙ мәнфәғәте өсөн тырышасаҡбыҙ. Сөнки беҙ ошо ер кешеләре. Тамырҙарыбыҙ Көйөргәҙегә береккән.

Тулы материалды гәзиттә уҡығыҙ.