Талантлы шағирә, ғүмер буйы "Йәншишмә"("Башҡортостан пионеры") гәзитендә эшләп хаҡлы ялға сыҡҡан журналистика ветераны Зөһрә Ҡотлогилдинаны юғары награда - Салауат Юлаев орденына лайыҡ булыуы менән ҡотлайбыҙ!
Кисә Башҡортостан яҙыусыларының сираттағы съезында Дәүләт Йыйылышы - Ҡоролтай етәксеһе Константин Толкачев тапшырған был орденды.
Зөһрә апай хаҡлы ялда булыуына ҡарамаҫтан, һаман да һөнәренә тоғро ҡалып, төрлө гәзит-журналдар менән хеҙмәттәшлек итә. "Һуғыш балалары һөйләй" тигән проекты ғына ни тора?! Зөһрә Ҡотлогилдинаның бик күп шиғырҙарына йырҙар яҙылған, улар халыҡ араһында киң танылыу яуланы.
Ә ул булдырған журналистика мәктәбендә йәш хәбәрселәр, Башҡортостан матбуғаты өсөн һәләтле ҡәләм оҫталары тәрбиәләнде.
Яҡташ шағирә апайыбыҙҙы юғары наградаға лайыҡ булыуы менән ихлас ҡотлайбыҙ! Ныҡлы һаулыҡ, ижади уңыштар теләйбеҙ.