Ҡунаҡ килһә, ит бешә...

Илкәнәй ауылында иртәгә оло ҡунаҡтар көтөлә. Ҡунаҡ килер булһа, беҙҙең халыҡ нимә эшләй - йортон йыйыштыра. Бөгөн Илкәнәйҙең иң өлгөр, бөтмөр, уңған ҡыҙҙары мәсетте тәртипкә килтерергә барған. Ҡунаҡтар килеп төшөр ҙә, ҡалай матур мәсетегеҙ ситтән үк күренеп тора тип әйтер һәм шунда юлланыр. Оят булмаһын. Ҡыҙҙар ҡунаҡ килгәндә генә ҡуҙғалыша икән тип уйламағыҙ, гел йыйыштыралар, бер үк кешеләр, әйткәндәй. Ҡунаҡ килһә, ит бешә, ит бешмәһә, бит бешә, ти халыҡ мәҡәле, кемдеке нисектер, илкәнәйҙәрҙең ите бешә, бите бешмәй.