Быны күргән байтаҡ кеше, ҡыуанып, ҡулдарын ыуҙы - былай булғас, аҡсаны күберәк һорарға була. Юбилейҙы аҡсаһыҙ үткәреп булмай, Кинйәабыҙға аҡса кәрәк. Әле урамдарына асфальт түшәлде, ауылға тиклем килгән оло юлға ла асфальт булмаҫмы тигән өмөт тә бар ине. Әллә....
Музейға ремонт кәрәк, әле был эшкә смета-проект документтары әҙерләнә, музейға капиталь ремонтҡа һәммәһе 30 миллион һум аҡса кәрәк буласаҡ. Зыяратты ла кәртәләргә кәрәк, ППМИ-ға ышана ауыл халҡы, зыярат эшенә 1 миллион һумға яҡын аҡса талап ителә.
К. Арыҫлановтың ҙур юбилейын тейешле кимәлдә үткәрербеҙ тип ышанабыҙ, аҡса бирһәләр, ҡалғаны ла булыр.