КИНЙӘЛӘР ҘӘ СХОД ЙЫЙҘЫ

Кинйә-Абыҙ халҡы ла замандан да, башҡа кешеләрҙән дә ҡалышмаҫҡа тырышып йәшәп ята.

Был аҙнала улар ҙа сход үткәргән, программаға үтеп китә алһаҡ, ауылда нимәне йүнәтәбеҙ, ҡайһы еребеҙ иң ауыртҡан ер? Һыу торбалары инде, тигәндәр бер тауыштан. Бигерәк эшлектән сыҡты торбалар, ә һыу эсмәй йәшәп булмай. Шулай килешкәндәр: һәр йорттан 3 мең һум йыясаҡтар (барлығы 60 мең тәңкә килеп сыға — бәләкәй ауыл өсөн матур сумма). Шулай уҡ ауыл урамдарының ҡараңғыраҡ булыуын телгә алғандар — ҡайһы бер ерҙәрен үткән саҡта күҙ күрмәйенсә абынып йығылырға була. Сходтан һуң яманһарылар кеүек үк кинйәләр ҙә концерт ҡараған, һыуыҡ көндә күңелде йылытты артистар, ти улар.