Бөтә донъя башҡорттары ҡоролтайының VI съезы бара

12-14 декабрҙә Өфөлә Бөтә донъя башҡорттары ҡоролтайының VI съезы үтә. Сираттағы йыйын Башҡортостан Башлығы Радий Хәбировтың Указына ярашлы уҙғарыла. Форумда республиканан, Рәсәй төбәктәренән һәм сит илдәрҙән 500-ҙән ашыу делегат ҡатнаша. Улар араһында беҙҙекеләр ҙә бар: Күмертауҙан Әлфиә Шәмиғолова, Рима Арыҫланова, Айнур Ҡәҙимов һәм Көйөргәҙе районынан Юлай Ишмөхәмәтов, Дамир Хәйбуллин менән Лена Ғәббәсова. Шулай уҡ район һәм ҡала хакимиәттәре башлыҡтары ла ҡатнаша.