Һуңғыһы түгел

Гәзиттә, башлыса, гел бер үк кешеләр эшләй, килгәне-киткәне, әлбиттә, күп булды, моғайын әле иң тоғролары, эштәрен яратҡандары ғына ҡалғандыр.
Нисәнсе ҡыштарҙы, яҙ-йәй-көҙҙәрҙе әлегеләй ҡаршы алабыҙ, һанаһаң... Хәйер, уны нимәгә һанарға, бәхетлеләр сәғәткә ҡарамай тигән кеүек, ваҡыт үтә тора, табындар була тора - ғүмер арбаһы үҙ яйына тәгәрәй.
...Яңы йылды ҡаршы алдыҡ. Сираттағыһын. Үҙебеҙсә уға йомғаҡ яһаныҡ, дөйөм алғанда, барыһы ла бик үк насар түгел. Бер-беребеҙҙең иҫән, бөтөн булыуына, ғөмүмән, булыуыбыҙға, ер өҫтөнән йөрөп ятыуыбыҙға ҡыуаныштыҡ.