Йәшнәп йәшәйһеләр бар әле

Баҡса еләге. Был апай йыл да, тап ошо мәлдә, килтерә еләктәрен – ҡалала баҡсаһы бар.

Ҡыҙарып та бешкән еләктәрҙе,
Әле тәмләйһеләр бар әле.
Олоғайҙым, тиеп ҡайғырмайбыҙ,
Йәшнәп йәшәйһеләр бар әле.

Еләк кеүек саҡтар елеп үтте,
Һәр бер осор матур үҙенсә.
Күңелдәрҙә йәшлек матурлығы,
Ҡалһын әле еләк көйөнсә.

Тип, күстәнәскә ҡыуанып, көйләп ултырыш. Алдағы йылдарҙа ла еләк, тәбиғәт биргән башҡа ниғмәт-ризыҡтарҙы тәмләп, үҙебеҙ ҙә еләктәй генә булып, йәшәргә яҙһын ине. Рәхмәт, апай.