Ыштанһыҙ ҡалмағыҙ

Уны беҙ юл буйында машиналар һағалап ҡына тора тип уйлаһаҡ, ул ауылдаштары мәнфәғәтен һәр яҡлап ҡурсалап та йәшәй икән.

...Һуңғы йылдарҙа телефон аша халыҡты алдау йышайҙы. Теге көн генә полиция начальнигы Азат Манғотов менән һөйләшеп торҙоҡ. Азат Марат улы ла аптырашта: кешегә әйтеп, тылҡып тораһың, теләһә ниндәй әтрәгәләмдәр шылтыратһа, ышанмағыҙ, бер ҡатлы булмағыҙ тип, юҡ, күбеһе аңламай, һаман кредит алып, аҡса күсереүен, ыштанһыҙ ҡалыуын дауам итә.

Айнур Рахманғолов та Яҡут ауылы халҡын йыйып, ныҡлы төшөндөргән: абай булығыҙ, туғандар, артып барған аҡсағыҙ юҡ та.