Күмертауҙа балаға эт ташланған

Һуңғы арала берәҙәк маһмайҙар айырыуса шашты. Үткән йома көндө улар балаға һөжүм иткәндәр. Машина төҙөүселәр урамында өс малай, киске сәғәт 5-тәрҙә, 5-се мәктәп ихатаһына уйнарға китеп барған булған. Шул ваҡыт улар янына эт килеп сыға һәм балаларға ташлана. Ике малай ҡасып ҡала, ә 9 йәшлек малай өлгөрә алмай. Маһмай уның өҫ кейемдәрен йыртҡыслап, ҡулдарын тешләй. Ҡурҡҡан малай ата-әсәһенә шылтырата һәм ярҙамға саҡыра. Дауаханала балаға ярҙам күрһәткәндәр.
Зинһар, абайлап йөрөгөҙ! Айырыуса балаларҙы урамда яңғыҙ ҡалдырмағыҙ!