Тыуған илгә ҡайтыр юлы, нилектәндер, оҙон килеп сыҡты, уны кисә ерләйҙәр. 50 йәште уҙған ир, офицер званиеһы ла булған – өлкән лейтенант. Был насар хәбәр тураһында билдәле булыу менән, мәрхүмде белгәндәр үҙ һүҙен әйтте- бигерәк һәйбәт кеше ине.
Матәм Күмерселәр мәҙәниәт һарайында башҡарыла. Рәсми вәкилдәр, офицерҙың туғандары, был хәлгә битараф булмаған башҡаһы ир менән хушлашырға килде. Халыҡ байтаҡ ҡына, шыбыр-шыбыр һөйләшеп торалар, тауышты көслөрәк сығарыр сәбәп юҡ – һәр кемдең башында йәшәү менән үлем тураһындағы уйҙарҙыр, моғайын. Митинг башланғанын көтөп торманыҡ, ысынында, ятланып бөтә яҙған шул уҡ һүҙҙәр буласаҡ, хәс бер үк фильмды ҡат-ҡат әйләндереп ҡарайбыҙ ҙа ҡарайбыҙ кеүек. Әйткәндәй, Алексей быйыл Күмертау ҡалаһында ерләнгән икенсе һалдат.
Йәл, Алексей, ейәндәр һөйөп кенә йәшер йәшеңә етә алманың, бәхил бул.