Ауылда үҫкән малай

Сергей Демидов Күмертауҙа тыуып-үҫкән. Әммә, ул үҫкән саҡтағы һәр бала кеүек, уның бала сағының күп өлөшө ауылда үтә – Яңы Отрадала. Бәлки, шуғалыр ҙа егетте ошо ауылда ерләгәндәрҙер.

Сергей яуға үҙ теләге менән киткән. Әлбиттә, киткән мәлендә ул мотлаҡ тыуған ҡалаһын, яратҡан ауылын ҡайтып күрәм тигәндер. Ҡыҙғанысҡа, был хыялдары тормошҡа ашманы. Был ғына түгел, башҡа күп хыялдары ла тормошҡа ашмай ҡалды.

Беҙ Сергейҙың барлыҡ туғандарының ауыр юғалтыу ҡайғыһын уртаҡлашабыҙ.