Бер осоңдан ниңә ҡан тама?

Бөйөк шәхесебеҙҙең ҙур юбилейы – хәтер кисәһен матур итеп үткәреп ебәрҙек кеүек. Әммә... Көн ныҡ ҡараңғы (ҡайҙа булдың, ҡояш?), көндән бигерәк, күңел ҡап-ҡара, байрам кәйефе булманы барыбер. Күмертауҙа бер егетебеҙҙе ерләнек бөгөн, иртәгә лә әле генә көлөп торған һымаҡ майҙан илаясаҡ.  Яңы Морапталда Красный Маяҡ ауылы егете Марсель менән хушлашасаҡбыҙ.

Күмертауҙың Маяҡ ауылында ла (ике ауыл исеме лә Маяҡ, етмәһә) матәм буласаҡ. Был ауыл Андрейҙары менән бәхилләшә.

Әкиәттәге серле ҡурай һымаҡ,
Әйт, был ниндәй ҡанлы тантана?
Бер осоңдан һинең балың тамһа,
Бер осоңдан ниңә ҡан тама?