Өҙөлдө өмөттәр

Декабрь айында уҡ һәләк булған яугиребеҙҙең үлеме тураһында быйыл октябрь айында ғына билдәле булды. Ошо көнгәсә хәбәрһеҙ юғалған булып иҫәпләнһә лә, яҡындары уны өмөттәрен өҙмәй көттө. Бына бөгөн был өмөттәр селпәрәмә килде, батыр яҡташыбыҙ тыуған тупрағына ҡайтып ятты.
Беҙ Илдус Миниәхмәт улының барлыҡ яҡындарының, балаларының ауыр юғалтыу ҡайғыларын уртаҡлашабыҙ, сабырлыҡтар теләйбеҙ.