Күпме аҫыл ир-егетен юғалтты ҡала-ауыл?!

Йылытмай көҙҙөң сыуағы,
Был көҙҙәрҙә лә ауыр.
Күпме аҫыл ир-егетен
Юғалтты ҡала-ауыл?!

Үтмәҫ сир булды был афәт,
Йолоп ятыусы һаҙлыҡ.
Ҡайҙа бара был донъялар,
Ҡайҙа дөрөҫлөк - хаҡлыҡ?!

Туҡтауһыҙ ҡайта ир-аттар,
Ҡара ер ҡуйынына.
Көткәндәргә тороп ҡала
Иң һуңғы туйы ғына.

Йыуатмай көҙҙөң сыуағы,
Күңелдә ҡаты төйөр.
Кемдәр ҡасан һөйөнсөләп,
Алыш туҡтаған! - тиер.