Тыуған еренә ҡайтты

Әрмелә хеҙмәт итмәгән, фронтҡа былтыр апрель айында киткән, шул уҡ яҙҙа һәләк булған. Май айында уны, хәбәрһеҙ юғалды тип, туғандары эҙләй башлағайны. Бына, кәүҙәһе, насип булғас, тыуған еренә - Түкән ауылына - ҡайтып ятасаҡ (Дорохов Дмитрий Михайловичты иртәгә ерләйҙәр). Шуныһы ла бик аяныслы: һалдаттың улы ла (Егор) ошо уҡ йылда, атаһынан ике айға ғына һуңыраҡ, мәрхүм булған.
Беҙ Дмитрийҙың әсәһе Татьяна Валентиновнаның, ҡыҙҙары Анна, Софияның һәм башҡа яҡындарының ауыр юғалтыу ҡайғыһын уртаҡлашабыҙ.