Быларға ышанырға була

Уларға ял юҡ инде ул. Башҡалар дүртәр көн байрам иткәндә лә, крәҫтиәндең мәшәҡәте бөтмәй.

Бөгөн районға Ауыл хужалығы министры  Илшат Фәзрахманов килде. Эштәр нисек бара икәнен үҙ күҙҙәре менән күреү өсөн, Көйөргәҙелә тир түккән хужалыҡтар буйлап йөрөп әйләнде, көнө ныҡ ҡамасауланы яҙғы эштәргә, әммә ауыл кешеһенең, икмәк үҫтереүсенең мыжырға, кемгәлер үпкәләргә уйында ла юҡ, бындайҙы ғына күргән бар, бирешмәбеҙ. Ошондай кәйефле кешеләрҙе күргән Илшат Илдус улы, күңеле булып ҡайтып китте - бында үҙ эшен белгән һәм яратҡан ышаныслы егеттәр эшләй.