Һыуәйҙәгеҙ, малҡайҙар!

Аҙна башында Светлана Мирас ҡыҙының Калуга өлкәһенән ҡайтҡан малҡайҙарын барып күргән инек. Ул шунда, шаршамбы көнө йәнә 23 баш мал ҡайтып етәсәк, тип һөйөнсөләгәйне. Бына кисә кис ҡайтып еткән малҡайҙар.
Хужаларының шатлығы йөҙөнә сыҡҡан, Сычев һыйырҙарын көр тауыштар менән Ҡансыра ерҙәренә төшөрҙөләр. Беҙ ҙә уларҙың шатлыҡтарын уртаҡлашып, һөттө лә, итте лә күп биргән Сычев һыйырҙары беҙҙең ерҙәрҙе үҙләштереп, артып, хужаларына юғары килем килтереүҙәрен теләп ҡалабыҙ.