Һау бул, ураҡ – 2024

Барлығы 25 мең гектар майҙанда урып-йыйыу эштәре башҡарылды. Сентябрь, октябрь айҙарында көндәрҙең яуым-төшөмһөҙ булыуы, майлы культураға ҡараған көнбағышты тиҙ арала юғалтыуһыҙ йыйып алыуға мөмкинселек бирҙе. Комбайнсылар Мөнир Сәлтәшев, Буранбай Кинйәғолов, Мөхтәр Сатубалгин, Илфак, Ишбулды, Инсаф Боҫҡановтар, Әхмәҙулла Бикмаев, Рәмил Яйкаров, Рәмил Искәндәров һәм дә Фирҙәт Туйгилдиндар, водителдәр Фаил Суюнов, Ранил Рәхмәтуллин, Ринат Искәндәров, Илшат Түләков, Румил Абдуллин, Радик Бикмаев һәм башҡалар төндө көнгә ялғап фиҙәҡәр хеҙмәт күрһәттеләр.
Юлай Аҙнабаев, Яҡшымбәт ырҙын табағы мөдире:
- Баҫыуҙан килгән игенде, көнбағышты таҙартып, дымлы булһа киптереп келәттәргә һалабыҙ. Көнбағышты Маяҡ, Ермолаево ауылдарында урынлашҡан элеваторҙарға оҙатабыҙ. Эште ике сменала ойошторҙоҡ. Мотористар Зариф Манғотов, Радик Сәйфүтдинов, Альфред Абдуллин, Марат Исхаҡов, Марсель Әҙеһәмов, Йәүҙәт һәм Фаил Биккузиндар, Идрис Боҫҡанов үҙ эштәрен яуаплы башҡарҙылар. Шулай итеп күмәк көс менән 2024 йылдың ураҡ эштәренә йомғаҡ яһалды. Һау бул, ураҡ – 2024!