Түҙемле трактор

Байтаҡтан ултыра тип беҙгә яҙалар ине, әле күрҙек. Яҡшымбәт юлы бит, үҙегеҙ беләһегеҙ, әҙәм ыстырамы, барғансы йәнең сыға яҙа, шуға, ундай-бындай юл техникаһы күренгән һайын, йөрәк терт итеп ҡала- әллә тотоналармы, башлайҙармы? 
Башламайҙар. Шул көйө, элеккесә, ҡылтырлап, оса-һикерә йөрөргә кәрәк буласаҡ, бөгөн Яҡшымбәт мәктәбендә булған район башлығының төҙөлөш буйынса урынбаҫары ғына аҙыраҡ өмөт уты тоҡандырҙы: барыһы ла һәйбәт кенә, уйлағанса барһа, быйыл уҡ, Яҡшымбәткә тиклем үк, бәлки, асфальт һалып та ташларҙар.
Ә трактор-каток әлегә түҙемле генә көтә. Техниканың йәне юҡ, күпме ултырһа ла ултыра алыр, әҙәм балаһының ғына түҙемлеге сиктән сығып бара.