Урам өҫтөнән осоп үтәйекме?

Урамдан йөрөрлөк түгел, тегеләй ҙә былай ҙа соҡоп бөттөләр ҙә, урамдың аҫтын өҫкә килтерҙеләр, осоп үтергәме ауыл өҫтөнән? Мәктәпкә балалар бара, бот төбөнә тиклем батҡаҡҡа сумалар, фәлән-фәсмәтән-төгән тип видео тараттылар.
- Һыу торбаларын алмаштырмаһаң, алмаштырмай тиҙәр, алмаштырһаң, ниңә ерҙе соҡоноң тиҙәр... Аптарарһың был халыҡҡа, әлегә бит ерҙе ҡаҙмай ғына һыу торбалары үткәрә торған механизм уйлап тапмағандар ғалимдар, - Илкәнәй ауылы биләмәһе башлығы Рөстәм Вахитов бер аҙ зарланып алһа ла, эште тиҙ тота торған кеше, барып урамдарҙы ҡырып та ташлаған.