Баш та юҡ, түш тә юҡ

Был ауылды былтыр ныҡ шатландырғайнылар. Шатлыҡтары оҙаҡҡа барманы әллә?

Былтыр Яҡшымбәт юлынан алып, Яҙлау- Юшатырка – Аҡһары ауылдары аша, артабан Ырымбур трассаһына тиклем, юлды ремонтлай башланылар.  2025 йылдың июнь айы аҙағында булды был хәл.

Беҙ ошолай тип яҙған инек: Аҡһары-Юшатырка-Яҙлау юлына ла быйыл ремонт башлана (ҡырсын түшәү, йәмғеһе 19, 1 км.). Был эштәр өс йылға һуҙыласаҡ.

Был изге эш өс йыл түгел, ярты йылға ла түҙмәне, подрядсы юлды ташлап ҡасҡан – хәлдән килерлек түгел, тигән имеш-мимеш ишетелде..

Был юл арауығын ремонтлау хаҡы 30 079 566,56 һум ине, һатыуға сығарып, әлеге подрядсы тендерҙы отҡас, билдәле, хаҡын ныҡ төшөргән – 50.13 %-ҡа, ошо трассаны ул 15 000 000 һумға эшләргә тейеш булған...

Был хаҡта тулыраҡ гәзиттә баҫыласаҡ.