Иң күп бала тапҡан ауыл ул. Бының серен, феноменын береһе лә белмәй, әммә факт: Кинйәбайҙа балаларҙы күпләп табалар (берәй ҡасан статистар быны белеп ҡалыр, бәлки, һәм Рекорд китабына индерерҙәр).
Бөгөн һайлауға йәштәр килде. Йәш булыуҙарына ҡарамаҫтан, күп балалы ғаиләләр - Юнир, Гөлиә Ғәббәсовтар, Юныс, Гөлиә Абдуллиндар.
Уларға ҡарап тороуҙары күңелле, тыштағы яҙ күңелгә үтеп ингәндәй: бындайҙар булғанда, тимәк, киләсәгебеҙ бар. Ҡысҡырып әйтмәһәләр ҙә, ҡағыҙҙан, ғөмүмән, һайлауҙан арыған комиссия ағзалары йылмайып, ошоно теләне: бала бәхеттәренән айырмаһын һеҙҙе, ауылдаштар!