+22 °С
Ямғыр
БАҪЫЛҒАНҒА ҠАЙТЫП
22 Сентябрь 2024, 09:14
Эт саба тип бет саба
- Долинала кеше купме икан?
Эт саба тип бет саба
Ниндәй долинаны белешәләр, ҡалала ниндәй билдәле үҙән бар икән тип береһе лә аптырамаҫ, моғайын (магазиндың исеме икенсе төрлөгә әйләнһә лә, һаман уны элеккесә атай ҡайһы берәүҙәр). Әле генә яҙҙылар - кисә 50% ташлама менән һаталар тип, кешенең күҙен ҡыҙҙырҙығыҙ, йә, һөйләгеҙ, нисек унда хәлдәр, халыҡ бер-береһенең өҫтөнә менеп китә яҙып сиратта торамы?
Барҙыҡ беҙ. Тәүҙә, ҡуй, юҡ менән булмайыҡ, йә былар арзанды эҙләп килгән икән, бахырҙар тип әйтер берәйһе тигән уй тотоп торһа ла, түҙеп ултырып буламы ни - киттек. Көҙгөлөккә куртка кәрәк, йылы ыштан, бәлки, үтә арзанға һатһалар, тағы нимәлер тотоп ҡайтып булыр.
Үҙән буйлап бер әйләндек тә ары киттек. Ниңәлер арзан тигәне арзан кеүек тойолманы. Үҙебеҙҙе әрләп ҡайтып барабыҙ - эт саба тип бет саба. Әллә хаҡы оҡшаманы, әллә сифаты. Был, әлбиттә, был кибеткә бармағыҙ тигәнде аңлатмай, кеше күп булмаһа ла, халыҡ бар.
Кем, ысынлап та, нимәлер алып отҡан, ҡотлайбыҙ. Йылы тәнегеҙҙә туҙһын.
...- Долинала кеше купме икан?
- Юҡ, әллә ни күп түгел.
