Ҡаласыҡ буласаҡ!

Теге көн Ермолаевола быйыл Яңы йылға шыршы янына боҙ фигуралары яһамайыҡ, уға киткән аҡсаны яуҙағы егеттәргә ебәрәйек тигән идеяны ауыл башлығы М. Букреева тәҡдим итте, район башлығы Ю. Ильясов күтәреп алды - мөрәжәғәт менән сығыш яһаны. Һәм китте... Хуплағаны ла булды, әлбиттә, әммә әрләгәне лә етерлек ине. Балаларҙың ауыҙынан өҙөп, ниңә улайтаһығыҙ, һуғышты балалар башламаған, уларҙың ни ғәйебе, әйҙә, ял итһендәр каникул ваҡытында, бик кәрәкһә, чиновниктар, үҙегеҙҙең Яңы йылға тигән премияғыҙҙы бирегеҙ, фәлән-фәсмәтән-төгән...

Ахыры, Р. Хәбиров Молоканда йортһоҙ ҡалған ғаиләгә үҙем ярҙам итәм тигәс, киренән уйланылар - буласаҡ ҡаласыҡ. Әле эште башлап та йөрөйҙәр, ҡайһы берәүҙәр, эштең былай булырын белһәм, өндәшмәҫ тә инем, ишетмәгәнде ишеттереп бөттөләр тип уйланымы икән?