Атайыбыҙ менән бәхетлебеҙ

- "Егет кешегә етмеш төрлө һөнәр ҙә аҙ", тиҙәр бит. Ошо мәҡәл минең атайым Әхнәф Минийән улына тап килеп тора. Уның бер ваҡытта ла арыным тип тик ултырғанын күргәнем булманы. Ул һәр ваҡыт та нимә булһа ла эшләй. Эштән арып ҡайтһа ла өй эштәре менән мәшғүл. Хатта эштән дә ул буш ҡайтмай. Йәй булһа еләк, көҙ булһа бәшмәк йыйып алып ҡайта. Атайым минең уңған, тырыш кеше. Беҙҙең өсөн ул үрнәк һәм унан өлгө алып йәшәйбеҙ. Атайыбыҙ менән бәхетлебеҙ һәм уға рәхмәтлебеҙ.