Иң бай өләсәй һәм олатай

Уларҙың ейән-ейәнсәрҙәре каникулдарын, ялдарын түҙемһеҙләнеп көтөп ала. Ялсыҡайға ҡайтып, өләсәйҙәренең тәмле көлсә, ҡоймаҡ, бәлештәре менән һыйлана, олатайҙарына эйәреп, һунарға, балыҡҡа, бесән эшләргә, көтөү көтөргә йөрөйҙәр. Шулай, ял көнө етһә, шау-гөр тауыштарға тула Йыһаншиндарҙын йорто.
Әйткәндәй, барлығы туғыҙ ейән-ейәнсәре бар олатай менән өләсәйҙең, уларҙы ярлы тип әйтеп ҡара!