Айнурҙарыбыҙ ҡайтһын!

...Ауыл был көнгә әллә ҡасандан алып әҙерләнде, тирә-яҡты таҙартты, буяны, ағарттты. Бөгөн хәрби формала сыҡтылар (бигерәк тә ҡыҙҙарынан күҙҙе алып булмай). Быныһы ярай, ҡәҙимге хәл тиер кемдер, һалдаттары ҡайтты бит! Үҙҙәренең Айнурҙары! Ул да килгән байрамға, үҙен шунда уҡ ҡыҙҙар уратып та алды. Яҡшымбәттәрҙең дә, Айнурҙың үҙенең дә ғүмерлеккә хәтерҙә ҡалыр көн булды был. Байрам менән ҡотлағанда, әлбиттә, иң кәрәк, иң ҡәҙерле теләк теләнде: илгә тыныслыҡ килһен, айнурҙарыбыҙ иҫән-һау ҡайтһын.