Бында ҡырмыҫҡа иләүе тиерһең, ялан гөр килә. Байрам башланыуға күп ваҡыт ҡалманы, барыһын өлгөртөргә кәрәк.
Депутат Байғусҡаров үҙе иртәгә ат менәсәк. Сабышта ҡатнашырға тип дәртләнгән дә киткән икән Зариф Закир улы. Түрәтуй тигәненә лә ҡағылышлы хәбәр ишеттек: төп ҡунаҡтар махсус хәрби операциянан ялға ҡайтҡан егет-ҡыҙҙар, яуҙа һәләк булғандарҙың ата-әсәһе буласаҡ икән. Тап улар ҡаршыһына сәк-сәк, ҡымыҙ, таҡмаҡтар менән сығып баҫасаҡ артистар, ә түрәләр алдына түгел. Хәйер, нимәһен әле үк һөйләргә, иртәгә бөтәһен дә үҙебеҙ күрербеҙ.