Ололар көнөнә

Ололар көнөнә ҡотлап
Минән һеҙгә йыр бүләк.
Иғтибар менән тыңла
Ҡалма бер үк үпкәләп.
Һорамайым мин йәшеңде,
Миңә ул кәрәк түгел.
Үҙең белһәң, шул еткән,
Тик Хоҙай бирһен ғүмер.
Матур-матур һүҙҙәр килә
Ҡотлау өсөн байрамды.
Тәбрик итәм ысын күңелдән
Йәлләмәйем ҡотлауҙы.
Байлығы ла кәрәк түгел
Булһын ғына иҫәнлек.
Атҡан һәр таңды күреү
Үҙе беҙҙең өсөн ҙур бәхет.
Аяҡ-ҡулым һау булып,
Тыныслыҡ булһын илдә
Алһыу ҡояштай нурҙар
Балҡып торһон йөҙөңдә.
Нисек кенә ҡотлаһам да
Булһын ябай матурлыҡ.
Барыһын бирә - тәбиғәт.
Бирһен бер үк сабырлыҡ.
Матурлыҡ менән сабырлыҡ
Йөрөй тиҙәр йәнәшә.
Борондан әйтелгән һүҙҙәр
Беҙгә бәхет икән өләшә.
Ололар көнө килеп етһә,
Теләйбеҙ беҙ теләктәр.
Теләктәрҙең иң олоһо - 
Килтерәләр бүләктәр.