Бинағыҙ матур, үҙегеҙ тағы ла матурыраҡ

ЗАГС хеҙмәтҡәрҙәренең байрамы. Ошо датаға самалап, кисә Күмертау ҡалаһы ЗАГС-ына барҙыҡ, уның етәксеһе Айгөл Иҙрисова менән осрашырға. Ҡыҙҙар яңы бинала ултыра (бында, хәтерегеҙҙәлер, елле итеп ремонт эшләнеләр), килеп кереү менән күҙҙәр ҡамаша, шул тиклем матур - бина ла, ҡыҙҙар үҙҙәре лә. Беҙҙең уйҙарҙы уҡығандай, Айгөл Сәғит ҡыҙы шулай ти:
- Бинабыҙ яңырғас, өйләнешеүҙәр ҙә артты, килгән һәр береһе, ҡыуанып, йөҙө яҡтырып сығып китә.
- Райондан да киләләрме һеҙгә яҙылышырға?
- Күп киләләр, Көйөргәҙе районында өйләнешкәндәрҙең яҡынса 80%-ы беҙҙә ҡауыша.
- Һеҙ кешеләрҙе лә айыраһығыҙ, тумһырайып, ир менән ҡатын килһә, уларҙы өгөтләйһегеҙме: юҡ менән булмағыҙ, бергә йәшәгеҙ...
- Өгөтләйбеҙ, әммә... Бер береһенән туйған, биҙгән кешене артабан да бергә йәшәгеҙ тип көсләүе һөҙөмтә бирмәй... Шуныһы ҡыуандыра: беҙҙә өйләнешкәндәр һаны, айырылышҡандарға ҡарағанда күберәк.
Ҡаалала үлем дә бик күп, тыуым аҙ...
Интервью тулы вариантта гәзиттең киләһе һанында баҫыласаҡ.