Чебоксар ҙа ишетте

Әллә ҡайҙан беҙҙә шундай-шундай байрам булғанын белеп, Чебоксарҙан килеп тә еткәндәр. Һанай китһәң, беҙҙә улар күп тә түгел һымаҡ, Керәүле, Павловка, Марьевка, Михайловка ауылдарынан сыға төп сығанаҡтары, ә ситтән ҡарап тор - бик күп һанлы халыҡ һымаҡтар. Уларҙы берҙәмлеге шулай итә, һан менән түгел, сифат менән алдыралар. Сыуашстандан бүләктәр алып килгән туғандаш халыҡ. Уларҙы барса ғаләм алдында Көйөргәҙенең иң данлыҡлы сыуаштарына тапшырҙылар. Көслө итеп ҡул саптылар, был алҡыштарҙың тауышы Чебоксарҙың үҙенә тиклем барып етте кеүек.