Һәр замандың үҙ бәләһе

- Байрамыбыҙ менән бөтөн коллегаларымды ҡотлайым! 

Полиция (милиция) эшенең төрлө дәүерен сағыштырам да, шулай тим: һәр ваҡыттың үҙ бәләһе. Элек үлтереш, көсләүҙәр ошоларға оҡшаш башҡа енәйәттәр күп булһа, әле интернет, телефон ярҙамында кешене алдаусылар күбәйҙе. Беҙҙең эш бер ҡасан да еңел булманы һәм булмаясаҡ. Әйткәндәремә бәйләп, бөгөн сафта булғандарға тынғыһыҙ эштәрендә уңыштар теләйем, ғаилә бәхете, рухи көс. Ә үҙем кеүек ветерандарға һаулыҡ, бәхетле ҡартлыҡ насип булһын.